الله والنبي يا عين ما تنسيهم

الله والنبي يا عين ما تنسيهم***بالله حلفتك كل يوم اطريهم

الله والنبي ديمه علي ذكراهم***خليك يا عيني واقضه لغلاهم

يا عين ما تنسي تجبدي مطراهم***ديمه انريدك جايبه ماضيهم

ايام الدلال اللي خذيت معاهم***وزاد ما تنسي وين ما انلاقيهم

ايصبو حافيا كان كلمناهم ***ايجونا طرابه مادين ايديهم

اعزاز ما ابسيه عمر وجعناهم*** كانو يبونى ونا كنت نبيهم

ماما احسبت في لخر ايصير فرقاهم***وناعلي نار قاعد انراجي فيهم

ودايراحسابي كان صار دناهم***انزعل جميع الناس وانرضيهم

لكن القيت الياس في مثناهم*** بيمين حالف مالنا ايعطيهم

وانتي انريدك تذرفي بأسماهم***لعند بكرا بالدموع عليهم

يا املذعه كبدي علي فرقاهم***يا امقهروها دونك القسم اخطيهم

ييالنايمه نوضي راه صار جفاهم***عليش ساكته هيا احقوق عطيهم

يا امرايفه قاعده اليوم بلاهم***دونك انكانك غاويا تبيهم

يالعين جره مالقيت وراهم***وين كيف عدو ربنا داريهم

كنك انسيتي اعزاز ما ننساهم***كيف ينتسو قولي اللي شاريهم

مازلت ما ننسى كل شي امعاهم*** ومازال يالعين حنينى ليهم

[ندعوك للتسجيل في المنتدى أو التعريف بنفسك لمعاينة هذه الصورة]

قصيدة رائعة جدآآآ

مشكور عليها

شكرا على مرورك يا اخ وافى

» سبحان الله
» لفظ الجلالة {الله}
» طيح الله اسعدك (من الاخر)
» خمسة خلقهم الله من دون أب ولا أم
» أسماء الله الحسنى ...